საპატრიარქოში დღეს წმინდა სინოდის სხდომა გაიმართება

საქართველოს საპატრიარქოში დღეს წმინდა სინოდის სხდომა გაიმართება.

სხდომაზე მღვდელმთავრები ფარული კენჭისყრით, სამ საპატრიარქო კანდიდატს გამოარჩევენ.

საპატრიარქოს მიერ გავრცელებული განცხადების თანახმად, წმინდა სინოდის სხდომა 12:00 საათზე დაიწყება.

საპატრიარქო კანდიდატის შერჩევის პროცედურა ორ ეტაპად განხორციელდება. გამოვლენილი სამი კანდიდატიდან შემდეგ გაფართოებულ კრებაზე, უშუალოდ მღვდელმთავრების მიერ მოხდება გამოვლენა, თუ ვინ იქნება საქართველოს მართლმადიდებელი ეკლესიის 142-ე კათოლიკოს-პატრიარქი. 3 აპრილს გამართული სინოდის სხდომის გადაწყვეტილებით, საქართველოს კათოლიკოს-პატრიარქის გამოსარჩევად ეკლესიის გაფართოებული კრება ყოვლადწმინდა სამების საპატრიარქო ტაძარში ჩატარდება.

საქართველომ 22 მარტს კათოლიკოს-პატრიარქი უკანასკნელ გზაზე გააცილა - უწმინდესი და უნეტარესი ილია მეორე სიონის საპატრიარქო ტაძარში დაკრძალეს. საქართველოს კათოლიკოს-პატრიარქი ილია მეორე 2026 წლის 17 მარტს 93 წლის ასაკში გარდაიცვალა.