საფრანგეთმა პლეი-ოფში გასვლა გაინაღდა

საფრანგეთის ეროვნულმა საფეხბურთო ნაკრებმა მსოფლიო ჩემპიონატის ფარგლებში I ჯგუფში გამართული შეხვედრის დროს ერაყის ეროვნული გუნდი ანგარიშით 3:0 დაამარცხა და შემდეგ ეტაპზე გადასვლა გაინაღდა.

შეხვედრა ფილადელფიის სტადიონზე გაიმართა და ფრანგების უპირატესობით მიმდინარეობდა. მატჩის მე-14 წუთზე კილიან მბაპემ ანგარიში გახსნა და „მამლები“ წინ გაიყვანა. 54-ე წუთზე მბაპემ დუბლი გაიფორმა და ანგარიში 2:0 გახადა. მატჩის 66-ე წუთზე ფრანგმა შემტევმა უსმან დემბელემ ანგარიში 3:0 გახადა.

მეორე ტურის დასრულების შემდეგ I ჯგუფში საფრანგეთის ეროვნული ნაკრები 6 ქულით პირველ ადგილზეა. 6 ქულა აქვს ნორვეგიასაც, რომელსაც აგრეთვე აქვს განაღდებული პლეი-ოფში გადასვლა. ხოლო სენეგალისა და ერაყის ეროვნული გუნდები 0 ქულით მესამე-მეოთხე ადგილებს იყოფენ და მუნდიალს დაემშვიდობებიან.