საქართველოს 18-წლამდელთა საკალათბურთო ნაკრებმა B დივიზიონში ჯგუფური ეტაპი მეორე ადგილზე დაასრულა
იმედი|imedinews.ge
საქართველოს 18-წლამდელთა საკალათბურთო ნაკრებმა B დივიზიონში ჯგუფური ეტაპი მეორე ადგილზე დაასრულა. ჯგუფური ეტაპის ბოლო მატჩში მისი მეტოქე უნგრეთი იყო. ურთიერთშეხვედრამდე ამ გუნდებს სამ-სამი მოგება ჰქონდათ და გამარჯვებული ჯგუფში პირველ ადგილს დაიკავებდა.
შეხვედრა თანაბარ ბრძოლაში წარიმართა და უნგრელთა გამარჯვებით დასრულდა – 68:62. საქართველოს ნაკრებში ყველაზე მეტი, 17 ქულა (10 მოხსნა) დავით ფაჩულიამ ჩააგდო, რომელმაც 8-დან 4 სამიანი გამოიყენა. მათე ხატიაშვილის ანგარიშზე 12 ქულა და 6 პასია, მათე ყავლაშვილს 11 ქულა ჰქონდა.
მეოთხედფინალში საქართველოს ნაკრები C ჯგუფის პირველადგილოსან ნიდერლანდებს შეხვდება. მატჩი ხვალ, 31 ივლისს გაიმართება.
გაზიარება:
იმედი
წყარო: imedinews.ge