დავით მათიკაშვილი: ჩვენ აქამდეც, დონალდ ტრამპის პირველი გაპრეზიდენტებისას გვახსოვს, თუ როგორ მოიხსენიებდა მას გვარამია. დღეს იმავე გზაზე, რელსებზე დგანან ცალკეული ტელევიზიები, აგენტურული რუპორები

„ჩვენ აქამდეც, დონალდ ტრამპის პირველი გაპრეზიდენტებისას გვახსოვს, თუ როგორ მოიხსენიებდა მას გვარამია. დღეს იმავე გზაზე, რელსებზე დგანან ცალკეული ტელევიზიები, აგენტურული რუპორები“, - განუცხადა „ქრონიკას“ საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილმა.

მათიკაშვილის თქმით, აშკარაა, რომ არაფორმალური გავლენები ცდილობენ ყველგან, ყველა ქვეყანაში, მათ შორის საქართველოში, საკუთარი აგენტურის გამოყენებით ებრძოლონ შეერთებული შტატების პრეზიდენტს.

„აქვე უნდა ითქვას შეერთებული შტატების წინააღმდეგ მიმართული, ევროკავშირის კონკრეტული ჩინოსნების განცხადება. ეს ყველაფერი ერთობლიობაში ავლენს და ხაზს უსვამს „დიფ სთეითის“ სურვილს, მოხდეს ამ კუთხით დონალდ ტრამპის რეპუტაციის შელახვა“, - აღნიშნა მან.

დავით მათიკაშვილის თქმითვე, შეერთებულ შტატებში მოახლებულია შუალედური არჩევნები და ცდილობენ, ყველანაირად ხელი შეუშალონ დონალდ ტრამპს და მის პოლიტიკურ მოძრაობას.

ტელეკომპანია „ფორმულას” ეთერში, წამყვანმა ნინო ჟიჟილაშვილმა და სტუმარმა, „ჭავჭავაძის ცენტრის” მკვლევარმა, გიგა ჯოხაძემ ამერიკის შეერთებული შტატების მოქმედი ადმინისტრაცია და პირადად პრეზიდენტი დონალდ ტრამპი ღია თავდასხმის, დაცინვისა და კრიტიკის ობიექტად აქციეს.

„იმედმა“ აშშ-ის საელჩოს კიდევ ერთი წერილით მიმართა. კერძოდ, აშშ-ის საელჩოს ტელეკომპანია „ფორმულას“ მიერ წარმოებულ ანტიამერიკულ კამპანიაზე შეკითხვა გაუგზავნა.