საქართველოს ეროვნულმა ნაკრებმა მოსამზადებელი ეტაპი დაიწყო🏀

საქართველოს კალათბურთელთა ეროვნულმა ნაკრებმა აგვისტოს მატჩებისთვის მოსამზადებელი ეტაპი დაიწყო. მთავარმა მწვრთნელმა ალექსანდრ ჯიკიჩმა 15 კალათბურთელი დაასახელა, რომელთაგანაც უშუალოდ სათამაშო განაცხადში 12 მოთამაშე მოხვდება.

19 აგვისტოს თბილისში, ოთარ ქორქიასა და ნოდარ ჯორჯიკიას სახელობის სპორტის სასახლეში ჩვენი გუნდი ლიბანის ნაკრებს უმასპინძლებს. ეს შეხვედრა დახურული ტიპის იქნება. მას მაყურებელი არ დაესწრება და არც ტელეტრანსლირება იგეგმება.

23 აგვისტოს გუნდი თბილისში ისრაელის ნაკრებს ამხანაგურ შეხვედრაში დაუპირისპირდება, შემდეგ კი მსოფლიოს 2027 წლის ჩემპიონატის საკვალიფიკაციო ეტაპის მეორე ჯგუფურ ეტაპზე გადაერთვება.

28 აგვისტოს საქართველოს ნაკრები თბილისში მონტენეგროს უმასპინძლებს. მატჩი თბილისის დროით 19:15-ზე დაიწყება. 31 აგვისტოს კი გუნდი სტუმრად პორტუგალიას დაუპირისპირდება. შეხვედრა თბილისის დროით 22:00 საათზე აიღებს სტარტს.