საქართველოს ინტერესების საზიანოდ ჯაშუშობის ფაქტზე დაკავებულებისთვის აღკვეთის ღონისძიების შეფარდებაზე სასამართლო დღეს იმსჯელებს
იმედი|imedinews.ge
საქართველოს ინტერესების საზიანოდ ჯაშუშობის ფაქტზე დაკავებულებისთვის აღკვეთის ღონისძიების შეფარდებაზე სასამართლო დღეს იმსჯელებს. პროკურატურამ მათ ბრალდება ოფიციალურად უკვე წარუდგინა. ბრალდება 12 წლამდე თავისუფლების აღკვეთას ითვალისწინებს.
სუსის კონტრდაზვერვის დეპარტამენტის მიერ ორ საქმეზე ჩატარებული გამოძიების შედეგად დადგინდა, რომ საქართველოს ორი მოქალაქე მატერიალური სარგებლის მიღების მიზნით, საქართველოს ინტერესების საზიანოდ, უცხო ქვეყნების დაზვერვის დავალებით, სისტემატურად აგროვებდნენ და აწვდიდნენ მათ სხვადასხვა სახის და კატეგორიის ინფორმაციას.
ამასთან, ერთ-ერთი ბრალდებული მიღებული თანხიდან ნაწილს სადაზვერვო ინფორმაციის მომპოვებელ სხვა მოქალაქეებსაც გადასცემდა.
გაზიარება:
IM
იმედი
წყარო: imedinews.ge