საქართველოს საპარლამენტო დელეგაციის წევრებმა, აზერბაიჯანში ვიზიტის ფარგლებში, მილი მეჯლისის კომიტეტების წარმომადგენლებთან შეხვედრები გამართეს
საქართველოს საპარლამენტო დელეგაციის წევრებმა, აზერბაიჯანში ვიზიტის ფარგლებში, მილი მეჯლისის კომიტეტების წარმომადგენლებთან შეხვედრები გამართეს.
მხარეებმა საქართველო-აზერბაიჯანს შორის პარტნიორული თანამშრომლობის გაღრმავებისა და საპარლამენტო დიპლომატიის გაძლიერების საკითხებზე ისაუბრეს. ასევე, შეხვედრები გაიმართა აზერბაიჯანის ახალგაზრდობისა და სპორტის, ასევე მეცნიერებისა და განათლების სამინისტროებში.
შეხვედრაზე საუბარი შეეხო თანამშრომლობის კიდევ უფრო გაღრმავების შესაძლებლობებს. გამართულ შეხვედრებზე ყურადღება გამახვილდა აზერბაიჯანის მხრიდან საქართველოს პოლიტიკური მხარდაჭერის მნიშვნელობაზე.
„ვისაუბრეთ არამხოლოდ ზოგადად პარლამენტთაშორის ურთიერთობებზე, არამედ იმ დარგობრივი მიმართულებებით უკვე მიღწეულ შედეგებზე რაც აქამდე გვაქვს, ყველა მიმართულებით ვახდენთ კოორდინაციას“, - განაცხადა პარლამენტის თავმჯდომარის მოადგილე ნინო წილოსანმა.
„ვისაუბრეთ, როგორც სკოლების მიმართულებით თანამშრომლობაზე და სახელმძღვანელოების გაცვლა-გამოცვლაზე, ასევე ვისაუბრეთ STEM-ის, ანუ სამეცნიერო ლაბორატორიების მოწყობის კუთხით საქართველოში“, - განაცხადა პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარემ, მარიამ ლაშხმა.
იმედი
წყარო: imedinews.ge