საქართველოში ბინადრობის ნებართვის გაცემის წესებთან დაკავშირებულ ცვლილებებს პარლამენტი იურიდიულ საკითხთა კომიტეტში მეორე მოსმენით, დაჩქარებული წესით განიხილავს

საქართველოში ბინადრობის ნებართვის გაცემის წესები მკაცრდება. არალეგალური მიგრაციის აღსაკვეთად „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ კანონში ცვლილებები შედის, რომელსაც პარლამენტი იურიდიულ საკითხთა კომიტეტში მეორე მოსმენით, დაჩქარებული წესით განიხილავს და მიმდინარე სასესიო კვირაში დაამტკიცებს.

ცვლილებები შეეხება სასწავლო ბინადრობის გაცემასა და ფიქციურ ქორწინებას, რომელიც კანონპროექტის მიღების შემდეგ სისხლის სამართლის წესით დაისჯება.