სომხეთი პოლონეთთან სამხედრო-ტექნიკურ სფეროში შეთანხმების რატიფიცირებას პარლამენტში გეგმავს
სომხეთის მთავრობა გეგმავს დაამტკიცოს პოლონეთთან სამხედრო-ტექნიკური თანამშრომლობის შესახებ 2026 წლის თებერვალში გაფორმებული შეთანხმება და იგი საბოლოო რატიფიცირებისთვის ქვეყნის პარლამენტს გადაუგზავნოს. აღნიშნული საკითხი სომხეთის მინისტრთა კაბინეტის 11 სექტემბრის სხდომის დღის წესრიგშია შეყვანილი.
ოფიციალური ინფორმაციით, შეთანხმების მიზანია ორ ქვეყანას შორის თავდაცვის სფეროში პარტნიორობის ძირითადი პრინციპების, პროცედურებისა და კონკრეტული მიმართულებების განსაზღვრა.
დოკუმენტი ითვალისწინებს ორი ქვეყნის თავდაცვის სამინისტროებს შორის მჭიდრო თანამშრომლობის საფუძვლების შექმნას, სამხედრო-ტექნიკური ურთიერთობების გაღრმავებასა და საიდუმლო ინფორმაციის გაზიარებისა თუ დაცვის მექანიზმების დადგენას. „რადიო თავისუფლების“ სომხური სამსახურის ცნობით, შეთანხმების დეტალური ტექსტი ამ ეტაპზე გასაჯაროებული არ არის.
ფორმულა
წყარო: formulanews.ge