სერბეთის პრეზიდენტის საქართველოში ოფიციალური ვიზიტი გრძელდება
სერბეთის პრეზიდენტის საქართველოში ოფიციალური ვიზიტი გრძელდება. დღეს ალექსანდრ ვუჩიჩი საქართველოს პრემიერ-მინისტრ ირაკლი კობახიძეს პირისპირ შეხვდება.
გუშინ კი, მთავრობის მეთაურმა სერბეთის რესპუბლიკის პრეზიდენტ ალექსანდარ ვუჩიჩს ოფიციალურ ვახშამზე უმასპინძლა. ირაკლი კობახიძემ ხაზი გაუსვა ალექსანდარ ვუჩიჩის ვიზიტის განსაკუთრებულ მნიშვნელობას და მას საქართველოს მხარდაჭერისთვის მადლობა გადაუხადა. სტუმრებმა ფუნიკულიორის ტრამვაით იმგზავრეს და თბილისის ხედები დაათვალიერეს.
სერბეთის პრეზიდენტი მიხეილ ყაველაშვილსაც შეხვდა. მხარეებმა ორ ქვეყანას შორის არსებულ მჭიდრო მეგობრულ კავშირებზე, კულტურულ სიახლოვეზე, საერთო ღირებულებებსა და თანამედროვე გეოპოლიტიკურ გამოწვევებზე იმსჯელეს. გარდა ამისა, საქართველოში პირველი ვიზიტის ფარგლებში, სერბეთის პრეზიდენტი სრულიად საქართველოს კათოლიკოს-პატრიარქ შიო მესამესაც შეხვდა.
იმედი
წყარო: imedinews.ge