სერბეთის პრეზიდენტმა პარლამენტი დაითხოვა და 25 ოქტომბერს ვადამდელი არჩევნები დანიშნა

სერბეთის პრეზიდენტმა ალექსანდარ ვუჩიჩმა ქვეყნის პარლამენტი დაითხოვა და 25 ოქტომბერს ვადამდელი საპარლამენტო არჩევნები დანიშნა. ინფორმაციას Reuters-ი ავრცელებს.

სააგენტოს ცნობით, სერბეთის ლიდერი თავისი „სერბეთის პროგრესული პარტიის“ გამარჯვების შემთხვევაში ქვეყნის პრემიერ-მინისტრის თანამდებობას დაიკავებს, რადგან კანონით მას მესამე ვადით პრეზიდენტად ყოფნა აკრძალული აქვს.

როგორც Reuters-ი იუწყება, მორიგი საპარლამენტო არჩევნები სერბეთში არაუგვიანეს 2027 წლის დეკემბრისა უნდა გამართულიყო, თუმცა სტუდენტების ორწლიანმა საპროტესტო გამოსვლებმა ვუჩიჩი აიძულა რიგგარეშე არჩევნები ჩაენიშნა.

„ასეთი დაძაბულობა და პოლიტიკური კონფლიქტები რომ არ ყოფილიყო, არჩევნების ჩატარების საჭიროება, რა თქმა უნდა, არ იარსებებდა“, - განაცხადა ვუჩიჩმა სატელევიზიო მიმართვისას.

მისივე თქმით, არჩევნების გადადების ნებისმიერი მცდელობა „დემოკრატიის არსებობას საფრთხეს შეუქმნიდა“.