შალვა პაპუაშვილი: აბსოლუტურად ორგანული იყო ის სურათი, რაც ჩვენ ვიხილეთ - ქალბატონი სალომე თავის სამშობლოში, საქართველოს წინააღმდეგ მტრული ნაბიჯების ერთ-ერთი თანაორგანიზატორი
შალვა პაპუაშვილმა საფრანგეთის ეროვნული ასამბლეის მიერ საქართველოს შესახებ მიღებული რეზოლუცია შეაფასა. პარლამენტის თავმჯდომარემ ყურადღება გაამახვილა იმ ფაქტზე, რომ რეზოლუციის მიღების პროცესს მეხუთე პრეზიდენტი სალომე ზურაბიშვილი ესწრებოდა.
„ქალბატონი სალომე დაბრუნდა თავის სამშობლოში და სწორ ადგილას იყო - იმ ადგილას, სადაც საქართველოსა და ქართველი ხალხის მიმართ მტრული რეზოლუცია იყო მიღებული. ასე რომ, აბსოლუტურად ორგანული იყო ის სურათი, რაც ჩვენ ვიხილეთ - ქალბატონი სალომე თავის სამშობლოში, საქართველოს წინააღმდეგ მტრული ნაბიჯების ერთ-ერთი თანაორგანიზატორი“, - განაცხადა პაპუაშვილმა.
საფრანგეთის ეროვნულმა ასამბლეამ მიიღო რეზოლუცია, რომელიც მოითხოვს საქართველოს ევროკავშირში გაწევრიანების პროცესის გაყინვას, „სანამ ქვეყანა პოლიტიკურ კრიტერიუმებს, მათ შორის თავისუფალი და სამართლიანი არჩევნების ჩატარებას არ დააკმაყოფილებს“.
იმედი
წყარო: imedinews.ge