შალვა პაპუაშვილი ეკა გიგაურზე: ჩვეულებრივი პაიკია, რომელიც უცხო დამფინანსებლების დავალებას ასრულებს - მნიშვნელოვანია გაირკვეს, ვინ აფინანსებს მას

შალვა პაპუაშვილი „საერთაშორისო გამჭვირვალობა საქართველოა“ განცხადებას ჟურნალისტებთან გამოეხმაურა.

როგორც საქართველოს პარლამენტის თავმჯდომარე აღნიშნავს, უნდა გაირკვეს, ვინ აფინანსებს ეკა გიგაურის „საერთაშორისო გამჭვირვალობას“.

„როცა მოვძებნით ჯგუფის დამფინანსებელს, მივხვდებით, ვინ არის საქართველოს წინააღმდეგ მტრული კამპანიის ავტორი. არსებობს ვარაუდი, რომ ამის უკან მოქმედებენ სპეცსამსახურები, რომლებსაც სწორედ მიხეილ სააკაშვილი, როგორც თავისი აგენტი, უნდათ დაიხსნან პატიმრობიდან. ახლა ეს დავალება აქვს მიცემული ეკა გიგაურს, რომელიც ამ ყველაფერში ჩვეულებრივი პაიკია, რომელიც უცხო დამფინანსებლების დავალებას ასრულებს. ამიტომ მნიშვნელოვანია გაირკვეს, ვინ აფინანსებს მას“, - აღნიშნა შალვა პაპუაშვილმა.

ეკა გიგაურის „საერთაშორისო გამჭვირვალობა“ მიხეილ სააკაშვილს პოლიტიკურ პატიმარს უწოდებს, რადგან მიაჩნია, რომ მისთვის მისჯილი საპატიმრო ვადა და გამოტანილი განაჩენები ფარული პოლიტიკური მიზნებია.