შალვა პაპუაშვილი გაეროს რეზოლუციაზე: საგარეო საქმეთა სამინისტრო მუშაობს იმაზე, რომ ყოველ წლიურად გაიზარდოს რაოდენობა ქვეყნებისა, რომლებიც არ წავლენ წინააღმდეგ და ამავე დროს გაიზარდოს რაოდენობა მხარდამჭერი ქვეყნებისა
საგარეო საქმეთა სამინისტრო მუშაობს იმაზე, რომ ყოველ წლიურად გაიზარდოს რაოდენობა ქვეყნებისა, რომლებიც არ წავლენ წინააღმდეგ და ამავე დროს გაიზარდოს რაოდენობა მხარდამჭერი ქვეყნებისა, - განაცხადა საქართველოს პარლამენტის თავმჯდომარემ, შალვა პაპუაშვილმა ჟურნალისტის კითხვაზე თუ რატომ არ დაუჭირა გაეროს რეზოლუციას მხარი ჩინეთმა და ირანმა.
მისი თქმით, საგარეო საქმეთა სამინისტრო მუშაობს იმისთვის, რომ გაიზარდოს მხარდამჭერი ქვეყნების რაოდენობა.
„ეს რა თქმა უნდა არის პროცესი, რომელსაც საქართველოს საგარეო საქმეთა სამინისტრო ძალიან სკრუპულოზურად მიყვება წლიდან წლამდე. იყო წლები, როდესაც სომხეთი არ უჭერდა მხარს, დღეს მხარდამჭერია. ეს პროცესია. ქვეყნები გადაწყვეტილებებს იღებენ ბევრი ფაქტორის გათვალისწინებით, მათ შორის საკუთარი შიდა პოლიტიკის გადმოსახედიდან და ესეც იყო ერთ-ერთი ფაქტორი სომხეთი რატომაც არ უჭერდა მხარს და შემდეგ დაუჭირა. ასე რომ ჩვენ ამ პროცესს მივდევთ. მთავარი არის, რომ არის მზარდი რაოდენობა ქვეყნებისა, რომელიც მხარს უჭერენ. და ასევე, საგარეო საქმეთა სამინისტრო მუშაობს იმაზე, რომ თუ კი მხარდამჭერი არ არის, თავშეკავება დააფიქსირონ ქვეყნებმა და არა წინააღმდეგობა რეზოლუციასთან დაკავშირებით. თქვენ ნახეთ, რომ ორმა ქვეყანამ, რომელიც თავს იკავებდა ტრადიციულად, ამ შემთხვევაშიც დააფიქსირებს თავშეკავება, თუმცა იქვე ნაწილობრივ დათანხმდნენ რეზოლუციას საქართველოს სუვერენიტეტის აღიარებასთან დაკავშირებით. ეს პროცესია, რომელიც მიდის და საგარეო საქმეთა სამინისტროს აქვს დიდი შედეგები ამ მხრივ, რომ იყოს რაოდენობა ქვეყნების მაღალი“, - განაცხადა შალვა პაპუაშვილმა.
ნიუ-იორკში, გაეროს გენერალურმა ასამბლეამ მე-80 სესიის ფარგლებში, მიიღო საქართველოსა და მსოფლიოს სხვადასხვა რეგიონის ჯამში 68 ქვეყნის მიერ ინიცირებული რეზოლუცია - „აფხაზეთიდან, საქართველო და ცხინვალის რეგიონიდან/სამხრეთ ოსეთი, საქართველო იძულებით გადაადგილებულ პირთა და ლტოლვილთა სტატუსის შესახებ“. რეზოლუციას 107-მა ქვეყანამ დაუჭირა მხარი. რეზოლუციის მოწინააღმდეგე ქვეყნების რეკორდულად მცირე რაოდენობა, 8 დაფიქსირდა.
