შალვა პაპუაშვილი: კონკრეტულ ადამიანებს, ვინც ბრალდებულები არიან საქართველოს წინააღმდეგ ჯაშუშობაში, რამდენიმე „ენჯეო“ ჰქონდათ რეგისტრირებული, იყენებდნენ იმისთვის, რათა დაფინანსების ლეგალიზება მოეხდინათ, ვითომ იყო ამა თუ იმ პროექტის დაფინანსება და სინამდვილეში ეს იყო საქართველოს წინააღმდეგ მტრული საქმიანობის დაფინანსება

კონკრეტულ ადამიანებს, ვინც ბრალდებულები არიან საქართველოს წინააღმდეგ ჯაშუშობაში, რამდენიმე „ენჯეო“ ჰქონდათ რეგისტრირებული, იყენებდნენ იმისთვის, რათა დაფინანსების ლეგალიზება მოეხდინათ, ვითომ იყო ამა თუ იმ პროექტის დაფინანსება და სინამდვილეში ეს იყო საქართველოს წინააღმდეგ მტრული საქმიანობის დაფინანსება, - განუცხადა ჟურნალისტებს საქართველოს პარლამენტის თავმჯდომარე შალვა პაპუაშვილმა.

მისი თქმით, ის, რომ ამ „ენჯეოებიდან“ არცერთი არ არის რეგისტრირებული არც „ფარაში“, არც გამჭვირვალობის რეესტრში, აჩვენებს კიდევაც რა ტიპის „ენჯეოები“ არიან გამჭვირვალობის წინააღმდეგი.

„ბოლო პერიოდში თქვენ ნახეთ დაკავებები, კონტრდაზვერვითი საქმიანობის შედეგად უცხო ქვეყნის სასარგებლოდ მომუშავე ადამიანების. მათ შორის ითქვა, რომ იყო ევროპული ქვეყანაც. თქვენ ნახეთ, რომ ეს ადამიანები, სქემა რომლითაც მუშაობდნენ, მუშაობდნენ მათ შორის არასამთავრობო ორგანიზაციების მეშვეობით. ნახეთ, რომ რამდენიმე არასამთავრობო ორგანიზაცია ჰქონდათ ამ ადამიანებს რეგისტრირებული. ჩვენ გადავამოწმეთ და ამ ორგანიზაციიდან არცერთი, ამ „ენჯეოებიდან“ არცერთი, რამდენადაც ვიცი, არ არის რეგისტრირებული გამჭვირვალობის რეესტრში და თავის თანხებს არ ასაჯაროებდნენ. სწორედ ამაზე ვსაუბრობდით ჩვენ, რომ „ენჯეო“ სისტემა, მათ შორის გამოიყენება საქართველოს წინააღმდეგ პირდაპირი მტრული საქმიანობისთვის, ეს დაფინანსების სქემები. ასე რომ ესეც კარგი მაგალითია, რომ კონკრეტულ ადამიანებს, ვინც ბრალდებულები არიან საქართველოს წინააღმდეგ ჯაშუშობაში, „ენჯეოებს“, რამდენიმე „ენჯეო“ ჰქონდათ რეგისტრირებული, იყენებდნენ იმისთვის, რათა დაფინანსების ლეგალიზება მოეხდინათ, ვითომ იყო ამა თუ იმ პროექტის დაფინანსება და სინამდვილეში ეს იყო საქართველოს წინააღმდეგ მტრული საქმიანობის დაფინანსება.