შალვა პაპუაშვილი მეყანწიშვილზე: საკუთარ მცირეწლოვან შვილებს ეფარება და როდესაც პასუხისგების საკითხია, იქ ტირილად იღვრება, რომ შვილებისგან არის მოწყვეტილი. ღამე, დილა, შაბათი, კვირა, ორშაბათი შვილებთან ერთად არ გვინახავს, რასაც ვხედავთ, არის ის, რომ მიტოვებული ჰყავს საკუთარი შვილები და დაკავებულია საკუთარი ქვეყნის წინააღმდეგ მოქმედებებით

საკუთარ მცირეწლოვან შვილებს ეფარება და როდესაც პასუხისგების საკითხია, იქ ტირილად იღვრება, რომ შვილებისგან არის მოწყვეტილი, - განაცხადა ჟურნალისტებთან საუბრისას საქართველოს პარლამენტის თავმჯდომარე შალვა პაპუაშვილმა.

პაპუაშვილის თქმით, ასეთი შეშლილი ქცევის მქონე ადამიანები ბევრგან არიან.

„მგონი ამ აქტივისტის შესახებ ყველამ კარგად ვიცით, ქალი, რომელიც საკუთარ მცირეწლოვან შვილებს ეფარება და როდესაც პასუხისგების საკითხია, იქ ტირილად იღვრება, რომ შვილებისგან არის მოწყვეტილი. ღამე, დილა, შაბათი, კვირა, ორშაბათი შვილებთან ერთად არ გვინახავს ჩვენ, რასაც ვხედავთ, არის ის, რომ მიტოვებული ჰყავს საკუთარი შვილები და დაკავებულია საკუთარი ქვეყნის წინააღმდეგ მოქმედებებით. ეს არაერთხელ ვნახეთ. 5 ოქტომბერს, შუაღამისას დადიოდა და აბა ამოდით ჩემთან ოფისშიო, მაშინ შვილები არ ახსოვდა?! - როდესაც პრეზიდენტის სასახლეზე თავდასხმისას აქტიურად მოძრაობდა და არ ვიცი, ორგანიზებას უწევდა რაღაცებს თუ რას შვრებოდა, მაშინ შვილები არ ახსოვდა. გუშინ ღამე რომ მისული იყო იმისთვის, რათა დებოში მოეწყო, შვილები არ ახსოვდა. აი, პასუხისმგებლობა რომ დაუდგება, მერე ახსენდება ვითომ თავისი შვილები და მერე უნდა დაიწყონ შეცოდება, რომ დედა მოწყვიტეს შვილებს. ეს ადამიანი კარგა ხანია თავის შვილებს მოწყვეტილია, რასაც ვაკვირდებით. სწორედ იმიტომ, რომ მცირეწლოვანი შვილები ჰყავს, ვერ დგება ის პასუხისმგებლობა, რაც წესით დადგებოდა ნებისმიერი ადამიანის მიმართ, ვინც ჩაიდენდა იმ დანაშაულებს, რასაც მისი მხრიდან პირდაპირ ეთერში ვხედავთ. მათ შორის, გაგახსენებთ, წლევანდელი წლის 9 აპრილს, მის აბსოლუტურად ამაზრზენ საქციელს 9 აპრილის მსხვერპლების მემორიალთან. ფაქტობრივად, შეურაცხყო 9 აპრილის მსხვერპლების ხსოვნა საკუთარი მართლა ამაზრზენი ქცევით.

კიდევ ერთხელ, ისიც გვახსოვს, რომ ეს ადამიანის იყო, რომელსაც ფინეთის საგარეო საქმეთა მინისტრი რომ ჩამოვიდა და რუსთაველის გამზირის გადაკეტვაში მონაწილეობდა, მაშინ რომ ელაპარაკებოდა. ასე აქეზებენ. ეს ადამიანი წაქეზებულია სწორედ გარედან იმისთვის, რომ ასეთი რაღაც მოაწყოს. როდესაც ათიათასობით ადამიანი ხარობს და ერთი ადამიანი გამოჩნდება იქ, სურათიც ხომ გამოჩნდა რასთან გვაქვს საქმე. ასეა ზუსტად მთლიანად საქართველოში. არის საზოგადოება, რომელსაც საქართველოს ხელისუფლების სჯერა, მიჰყვება და აძლევს მანდატს და არიან თითო-ოროლა უსამშობლოები, რომლებიც ცდილობენ, რომ თავისი აზრით შეიტანონ გარკვეული დისკომფორტი.

ასეთებს ვხედავთ. ამერიკის შეერთებული შტატები, ბოლო პერიოდშიც იყო, რამდენჯერმე ნახეთ ალბათ. ხან ჯეი დი ვენსთან გამოვარდება ვიღაც შეშლილი მემარცხენე და ხან ტრამპთან შეხვედრაზე გამოვარდება. ასეთი შეშლილი ქცევის მქონე ადამიანები ბევრგან არიან. ასე, რომ აქაც არ არის ეს გამონაკლისი“, - აღნიშნა შალვა პაპუაშვილმა.

ადგილობრივ მაცხოვრებლად წარმოჩენილი ოპოზიციონერი აქტივისტი და მარიამ მეყანწიშვილის შეძახილების, პროტესტად წარმოჩენის მცდელობა. სამგორში სკვერის გახსნის ღონისძიებაზე მეყანწიშვილის შეურაცხყოფებს იქ მყოფი ადამიანების პროტესტიც მოყვა.