შალვა პაპუაშვილი: ნდობა აქვს დაკარგული დღეს ბრიუსელს ყველას თვალში, ქართველი ხალხის თვალში, მათ შორის ისლანდიის თვალში და ესაა ყველაზე მთავარი

ნდობა აქვს დაკარგული დღეს ბრიუსელს ყველას თვალში, ქართველი ხალხის თვალში, მათ შორის ისლანდიის თვალში და ესაა ყველაზე მთავარი, - განაცხადა პარლამენტის თავმდჯომარემ შალვა პაპუაშვილმა.

მისი თქმით, ამაზე მეტყველებს ის რეფერანდუმიც, რომელიც ისლანდიაში ჩატარდა.

„ჩვენ პრობლემა არ გვაქვს ევროპასთან, ევროკავშირთან, იმ იდეასთან, რომელსაც ის უკავშირდება. ჩვენ პრობლემა გვაქვს ბრიუსელთან, რომელიც ევროკავშირის ინტერესების წინააღმდეგ მოქმედებს. არჩევნების ის შედეგები, რომელსაც ჩვენ ბოლო პერიოდში ვხედავთ, ისლანდიის რეფერენდუმი რა იყო, თუ არა ამის მტკიცებულება. ისლანდიამ, რომელიც ყველანაირად დაკავშირებულია ევროკავშირთან და ფაქტობრივად ერთი ფორმალური ნაბიჯიღა აკლიათ, რომ ევროკავშირის წევრი ერქვათ და მათაც კი შეეშინდათ არა თუ წევრობა, არამედ მოლაპარაკების განახლებაც. საუბარია, რომ რაღაც თევზჭერის რეგულაციები აქვს ევროკავშირს და ისლანდიელებმა თევზჭერას გადააყოლეს ევროპული მომავალი. ევროკავშირი სთავაზობდა ისლანდიას, რომ დაუწესებდა სპეციალურ, გამონაკლის რეგულაციებს. ექნებოდათ ცალკე შეთანხმება თევზჭერასთან დაკავშირებით, რომელიც ისლანდიის ინტერესებს გაითვალისწინებდა. ამის მიუხედავად, ამ პირობას არ ენდო ისლანდია. ეს არის ყველაზე მნიშვნელოვანი, რომ ნდობა აქვს დაკარგული დღეს ბრიუსელს ყველას თვალში, ქართველი ხალხის თვალში, მათ შორის ისლანდიის თვალში. ჩვენ ვცდილობთ ბრიუსელმა შეცვალოს დღევანდელი კურსი",- განაცხადა პაპუაშვილმა.