შალვა პაპუაშვილი: როდესაც ყველა სტატისტიკით ვიცით, რომ მთავარი მიზეზი ავტოსაგზაო შემთხვევების არის სიმთვრალე და გადაჭარბებული სიჩქარე, მგონი გასაგებია, რომ მძღოლის პასუხისმგებლობაა

როდესაც ყველა სტატისტიკით ვიცით, რომ მთავარი მიზეზი ავტოსაგზაო შემთხვევების არის სიმთვრალე და გადაჭარბებული სიჩქარე, მგონი გასაგებია, რომ მძღოლის პასუხისმგებლობაა, - განუცხადა ზუგდიდში ჟურნალისტებს საქართველოს პარლამენტის თავმჯდომარე შალვა პაპუაშვილმა.

ჟურნალისტმა ჰკითხა, როგორ აპირებს ხელისუფლება გაუმკლავდეს გაზრდილ ავტოსაგზაო შემთხვევებს და რაშია პრობლემა, მოუწესრიგებელ ინფრასტრუქტურაში, თუ რატომ ხდება ამდენი შემთხვევა.

„ავტოსაგზაო შემთხვევების ძირითადი მიზეზი არის ალკოჰოლური თრობა საჭესთან ყოფნის დროს და გადაჭარბებული სიჩქარე. ერთიც და მეორეც არის მძღოლის უპასუხისმგებლობის ბრალი. მთავარი პასუხისმგებლობა საგზაო მოძრაობაში აკისრია მძღოლს. როდესაც ყველა სტატისტიკით ვიცით, რომ მთავარი მიზეზი ავტოსაგზაო შემთხვევების არის სიმთვრალე და გადაჭარბებული სიჩქარე, მგონი გასაგებია, რომ მძღოლის პასუხისმგებლობაა“, - აღნიშნა პაპუაშვილმა.