შალვა პაპუაშვილი: ცდილობენ გადაგვიყვანონ იმ სულიერი მთავარი ხაზიდან, რასაც ქართველი ხალხი საუკუნეებია მოსდევს. აქ არაფერი გასაკვირი არ არის. ესენი არიან იგივე სახეები, ვინც ებრძვის სახელმწიფოს და იგივე სახეები ებრძვიან ეკლესიას

ცდილობენ გადაგვიყვანონ იმ სულიერი მთავარი ხაზიდან, რასაც ქართველი ხალხი საუკუნეებია მოსდევს. აქ არაფერი გასაკვირი არ არის. ესენი არიან იგივე სახეები, ვინც ებრძვის სახელმწიფოს და იგივე სახეები ებრძვიან ეკლესიას, - განუცხადა მცხეთაში ჟურნალისტებს პარლამენტის თავმჯდომარემ შალვა პაპუაშვილმა.

ჟურნალისტმა ჰკითხა, რას ეუბნება ის პროცესი, რომელიც განვითარდა ოპოზიციის მხრიდან პატრიარქის გარდაცვალების და ახალი პატრიარქის არჩევის პერიოდში.

„ეს არის იმის ანარეკლი, რაც ხდება ზოგადად ქვეყანაში. არის ადამიანების ჯგუფი, რომელიც ცდილობს ჩვენი ქვეყანა გადაიყვანოს მისი ისტორიული გზიდან. ეს ისტორიული გზა აისახება როგორც პოლიტიკურ ცხოვრებაში, ისე სულიერ ცხოვრებაში. ცდილობენ, რომ გადაგვიყვანონ ჩვენი ისტორიული პოლიტიკური გზიდან, რაც გულისხმობს ჩვენი ერის კეთილდღეობას, მთლიანობას. ასევე, ცდილობენ გადაგვიყვანონ იმ სულიერი მთავარი ხაზიდან, რასაც ქართველი ხალხი საუკუნეებია მოსდევს. აქ არაფერი გასაკვირი არ არის. ესენი არიან იგივე სახეები, ვინც ებრძვის სახელმწიფოს და იგივე სახეები ებრძვიან ეკლესიას. ეს არის ერთი და იგივე ბრძოლა, რომელიც გამოუცხადეს საქართველოს, მის სახელმწიფოებრივ, თუ სულიერ მხარეს. მნიშვნელოვანია, რომ ერიც და ბერიც ვაცნობიერებდეთ, თუ რა ბრძოლაში არის საქართველო და ეს ბრძოლა როგორც აქამდე მიდიოდა ღირსეულად საქართველოს, ჩვენი ეკლესიის ინტერესების სასარგებლოდ, ასეც უნდა გაგრძელდეს“, - აღნიშნა პაპუაშვილმა.

სვეტიცხოვლის ტაძარში პატრიარქის ინტრონიზაცია დასრულდა.