შალვა პაპუაშვილი: ვფიქრობ, საზოგადოების პასუხი უნდა იყოს იგნორირება იმ წამოძახილების პენიტენციური სისტემიდან, რომელიც გააჩნია ხაბეიშვილს, სააკაშვილს, თუ სხვა დამნაშავეებს. რომ არა დღევანდელი სოცმედია საშუალებები, იქნებოდნენ დაკავებულები იმით, რომ გაეაზრათ, რა დააშავეს საკუთარი ქვეყნის წინაშე

ვფიქრობ, საზოგადოების პასუხიც უნდა იყოს იგნორირება იმ წამოძახილების პენიტენციური სისტემიდან, რომელიც გააჩნია მას, მიხეილ სააკაშვილს, თუ სხვა დამნაშავეებს, - განაცხადა საქართველოს პარლამენტის თავმჯდომარემ შალვა პაპუაშვილმა.

ჟურნალისტმა მას ჰკითხა, აქვს თუ არა ინფორმაცია ლევან ხაბეიშვილის განცხადებაზე, რომელიც ამბობს, რომ „ვიქტორ ჯაფარიძე უფასო ფულით სვანეთში მაინინგებს გამოიმუშავებს“.

„ლევან ხაბეიშვილი არის სისხლის სამართლის დამნაშავე, რომელიც იხდის სასჯელს და უმჯობესია ეს დრო გამოიყენოს რესოციალიზაციისთვის, იმისთვის, რომ თავისი დანაშაულებრივი ზრახვები გადაიაზროს. როცა მოიხდის სასჯელს, საზოგადოებას დაუბრუნდეს ადამიანად და არა - დამნაშავედ. არ მგონია, რომ ყურადღება უნდა მივაქციოთ სისხლის სამართლის დამნაშავეების მცდელობებს, თავი აქტუალური დატოვონ. ვფიქრობ, საზოგადოების პასუხიც უნდა იყოს იგნორირება იმ წამოძახილების პენიტენციური სისტემიდან, რომელიც გააჩნია მას, მიხეილ სააკაშვილს, თუ სხვა დამნაშავეებს, რომლებიც იქ უნდა ისხდნენ. რომ არა დღევანდელი სოცმედია საშუალებები, იქნებოდნენ პენიტენციურ დაწესებულებებში დაკავებულები იმით, რომ გაეაზრათ, თუ რა დააშავეს საკუთარი ქვეყნის წინაშე“, - აღნიშნა პაპუაშვილმა.