შრი-ლანკის საგარეო საქმეთა მინისტრი: მეგობარ ქართველ ხალხს ვუგზავნი ჩემს გულთბილ მილოცვებსა და საუკეთესო სურვილებს. შრი-ლანკა უდიდეს მნიშვნელობას ანიჭებს საქართველოსთან მეგობრულ და გულითად ურთიერთობებს

შრი-ლანკა საქართველოს დამოუკიდებლობის დღეს ულოცავს. მისალოცი წერილი ვიცე-პრემიერმა, საგარეო საქმეთა მინისტრმა მაკა ბოჭორიშვილმა პარლამენტის წევრის, რესპუბლიკის საგარეო საქმეთა, საზღვარგარეთ დასაქმებისა და ტურიზმის მინისტრისგან, ვიგიტა ჰერატისგან მიიღო.

„საქართველოს ეროვნულ დღესასწაულთან დაკავშირებით, თქვენს აღმატებულებას და მეგობარ ქართველ ხალხს ვუგზავნი ჩემს გულთბილ მილოცვებსა და საუკეთესო სურვილებს. შრი-ლანკა უდიდეს მნიშვნელობას ანიჭებს საქართველოსთან მეგობრულ და გულითად ურთიერთობებს. დარწმუნებული ვარ, რომ ჩვენი თანამშრომლობა, როგორც ორმხრივ, ასევე მრავალმხრივ ფორმატებში, კიდევ უფრო გააძლიერებს ჩვენს ორ ქვეყანას შორის არსებულ მეგობრულ კავშირებს და ურთიერთგაგებას.

მოუთმენლად ველი თქვენს აღმატებულებასთან ერთად მუშაობას ორმხრივი ინტერესის სფეროებში თანამშრომლობის შემდგომი გაფართოებისა და გაღრმავებისთვის, ჩვენი ხალხების საკეთილდღეოდ. ასევე, მინდა ვისარგებლო შესაძლებლობით და ჯანმრთელობა და წარმატება გისურვოთ, ასევე გადმოგცეთ ჩემი საუკეთესო სურვილები საქართველოს წინსვლისა და კეთილდღეობისთვის. თქვენო აღმატებულებავ, გთხოვთ, მიიღოთ თქვენდამი ჩემი ღრმა პატივისცემა“, - აღნიშნულია მისალოც წერილში.