შვეიცარიაში, ერთ-ერთ სადგურზე კაცმა 3 ადამიანი დაჭრა

ჩრდილოეთ შვეიცარიაში მდებარე მატარებლის სადგურზე, დანით თავდასხმის შედეგად სამი ადამიანი დაიჭრა. თავდამსხმელი, რომელიც იდენტიფიცირებულია როგორც 31 წლის შვეიცარიის მოქალაქე, უკვე დაკავებულია.

ინციდენტი ვინტერტურის მატარებლის სადგურზე, დილის 08:30 საათის შემდეგ მოხდა. სამივე დაშავებული - 28, 43 და 52 წლის მოქალაქეები საავადმყოფოში გადაიყვანეს.

პოლიციის განცხადებაში ნათქვამია, რომ სამართალდამცველები თავდასხმის მოტივის დასადგენად მუშაობენ.

შვეიცარიულმა გაზეთმა Blick გაავრცელა ვიდეოკადრები, სადაც ჩანს, როგორ გარბის კაცი მატარებლის სადგურიდან და ყვირის: „ალაჰუ აქბარ“.