სიძულვილის ენის წინააღმდეგ ბრძოლა აქტიურად მიმდინარეობს - ქვეყნის მასშტაბით სასამართლო პროცესები ფაქტობრივად ყოველდღიურად ტარდება
სიძულვილის ენის წინააღმდეგ ბრძოლა აქტიურად მიმდინარეობს. ქვეყნის მასშტაბით სასამართლო პროცესები ფაქტობრივად ყოველდღიურად ტარდება. სოციალური ქსელების მონიტორინგი უწყვეტი რეჟიმით მიმდინარეობს.
შინაგან საქმეთა იურისტის ნათია გიგლემიანის განცხადებით, ხშირად შინაგან საქმეთა სამინისტროს სამმართველოს შეურაცხყოფის ადრესატები თავად მიმართავენ და პრაქტიკაში გამოყენებულია როგორც ქართული, ისე საერთაშორისო სასამართლოების პრეცედენტები.
„სიძულვილის ენის საწინააღმდეგო სამმართველოს მიერ ხორციელდება სისტემური მონიტორინგი საჯარო სივრცეში შეურაცხმყოფელ ფაქტებზე და სიძულვილის ენის შემცველ კომენტარებზე. მონიტორინგი ხორციელდება თვითონ სამმართველოს მიერ. ამას გარდა, მოქალაქეების განცხადებების საფუძველზეც იწყება ადმინისტრაციული წარმოება, დგება შესაბამისი მტკიცებულებები, მასალები, რომლებიც იგზავნება სასამართლოებში. არაერთი ეროვნული, მათ შორის სტრასბურგის სასამართლოს გადაწყვეტილებები არსებობს, სადაც გავლებულია ზღვარი გამოხატვის თავისუფლებასა და შეურაცხყოფას შორის. როდესაც კონკრეტული კომენტარები სცდება გამოხატვის თავისუფლების ფარგლებს, აღნიშნული იდენტიფიცირება როგორც სავარაუდო სამართალდარღვევად. პროცესებზე წარმომადგენლობას ვუწევთ შსს-ს იურიდიული დეპარტამენტი“, - აღნიშნა მედიასთან გიგლემიანმა.
იმედი
წყარო: imedinews.ge