სიეტლში სროლას მსხვერპლი მოჰყვა

სიეტლში სროლის შედეგად სულ მცირე 2 ადამიანი დაიღუპა, 5 კი დაშავდა. სროლის ხმა 26 ივლისის საღამოს სფეის-ნიდლის კოშკთან, სიეტლის საგამოფენო ცენტრის ტერიტორიაზე გაისმა, სადაც საჭმლის პოპულარული ფესტივალი მიმდინარეობდა.

მედიის ცნობით, დაშავებულებს შორის 2 ბავშვია (2 და 5 წლის), არსებული მონაცემებით, ერთ-ერთი დაჭრილი - 56 წლის ქალი, კლინიკაში მძიმე მდგომარეობაში იმყოფება.

სიეტლის მერის, ქეთი უილსონის განცხადებით, დაკავებულია ერთი ეჭვმიტანილი. თუმცა, ხელისუფლება არ არის დარწმუნებული, რომ თავდამსხმელები მეტნი არ იყვნენ. მიმდინარეობს გამოძიება.