სკოლებში ელექტრონული საკომუნიკაციო საშუალებების არამიზნობრივი გამოყენება იკრძალება
სკოლებში ელექტრონული საკომუნიკაციო საშუალებების არამიზნობრივი გამოყენება იკრძალება, გარდა შინაგანაწესით დადგენილი შემთხვევებისა.
არამიზნობრივ გამოყენებად ჩაითვლება უფლებამოსილის წინასწარი თანხმობის გარეშე, მოწყობილობის ჩართულ მდგომარეობაში შენახვა, ქონა და გამოყენება. სკოლა ვალდებული იქნება, განსაზღვროს მოსწავლის მშობელთან ან კანონიერ წარმომადგენელთან კომუნიკაციის ოფიციალური არხები.
საქართველოს განათლების, მეცნიერებისა და ახალგაზრდობის მინისტრის მოადგილის თამარ მახარაშვილის განცხადებით, ამ ცვლილების მიზნია, სასწავლო პროცესისადმი მოსწავლეების ყურადღების მობილიზება. მისივე თქმით, არსებობს მობილური ტელეფონის გამოყენების გამონაკლისი შემთხვევებიც, კერძოდ, შესაძლოა, მოსწავლეს ჯანმრთელობის მდგომარეობის გამო ჰქონდეს ტელეფონის გამოყენების აუცილებლობა.
„ასეთი გამონაკლისები შინაგანაწესში გაიწერება და ჩვენი წესიც ითვალისწინებს და ასევე, შესაძლებელია, რომ თავად სასწავლო პროცესში გვჭირდებოდეს ელექტროსაკომუნიკაციო საშუალებების გამოყენება. მათ შორის, მობილურების გამოყენება და აქაც მასწავლებელია ის, ვინც შესაბამის გადაწყვეტილებას მიიღებს.
კონკრეტული პირთა წრე იქნება გამოყოფილი ადმინისტრაციის მხრიდან და მშობელს ეცოდინება, ვის შეუძლია, დაუკავშირდეს, როდესაც შვილთან უნდა დაკავშირება სასწავლო პროცესის დროს“, - განაცხადა თამარ მახარაშვილმა.
იმედი
წყარო: imedinews.ge