Sky News: კირ სტარმერის გადადგომის მოთხოვნას უკვე 44 „ლეიბორისტი“ დეპუტატი შეუერთდა

Sky News-ის ინფორმაციით, გაერთიანებული სამეფოს პრემიერ-მინისტრის, კირ სტარმერის გადადგომის მოთხოვნას უკვე 44 „ლეიბორისტი“ დეპუტატი შეუერთდა.

ბოლო დეპუტატი, რომელმაც პრემიერის წინააღმდეგ ხმა აიმაღლა, ბლექპულ ჩრდილოეთისა და ფლიტვუდის წარმომადგენელი, ლორენ ბივერსია. მან სოციალურ ქსელში განცხადება დღეს გამოაქვეყნა.

„მიმაჩნია, რომ პრემიერ-მინისტრმა თანამდებობიდან წასვლის განრიგი უნდა გამოაქვეყნოს. ჩვენ გვჭირდება ახალი ლიდერი მომავალი წლის ადგილობრივ არჩევნებამდე დიდი ხნით ადრე“, - აღნიშნა ბივერსმა.

პრემიერის გადადგომის მომხრეთა რიგებს ასევე შეუერთდნენ ალან ჯემელი და ფრედ თომასი.

სტარმერმა, რომლის ლიდერობაც დიდი კითხვის ნიშნის ქვეშ დადგა, ჟურნალისტებს გასულ კვირას განუცხადა, რომ ის „არ წავა და ქვეყანას ქაოსში არ ჩაძირავს“. თუმცა, „ლეიბორისტული პარტიის“ არაერთმა დეპუტატმა მას მოუწოდა, პოსტი ახლავე ან უახლოეს მომავალში დატოვოს.