Sky News: ლონდონში წყალსადენის მილების გასკდომის გამო 10 000-მდე ოჯახი წყლის გარეშე დარჩა - წყალმომარაგების კომპანიაში აცხადებენ, რომ დაზიანების შეკეთება „მოსალოდნელზე ბევრად რთული აღმოჩნდა“
იმედი|imedinews.ge
ჩრდილო-აღმოსავლეთ ლონდონში წყალსადენის ორი ცენტრალური მაგისტრალის დაზიანებამ წყალმომარაგების მასშტაბური შეფერხება გამოიწვია - არსებული მონაცემებით, ჩიგველის რაიონში 10 000-მდე ოჯახს წყალი საერთოდ არ მიეწოდება ან დაბალი წნევით მიეწოდება, - წერს Sky News-ი.
პრობლემა შაბათს საღამოს შეიქმნა. წყალმომარაგების კომპანია Thames Water-ი ავარიის აღმოფხვრას მას შემდეგ ცდილობს. დღეს დილით გავრცელებულ განცხადებაში კომპანიამ აღნიშნა, რომ დაზიანების შეკეთება „მოსალოდნელზე ბევრად რთული აღმოჩნდა“.
Thames Water-ის წარმომადგენელმა მომხმარებლებს ბოდიში მოუხადა და განმარტა, რომ შეფერხება ნაწილობრივ ხანგრძლივმა სიცხემ და გვალვამ გამოიწვია:
ამ განსაკუთრებით ცხელი და მშრალი ამინდების გამო გამომშრალმა ნიადაგმა, შესაძლოა, მიწისქვეშა მილების წანაცვლება გამოიწვიოს და მათი გასკდომის რისკი გაზარდოს. ჩვენი ჯგუფები შაბათის შემდეგ 24-საათიანი რეჟიმით მუშაობენ ადგილზე, რათა შეკეთება და წყალმომარაგების აღდგენა, რაც შეიძლება, სწრაფად დასრულდეს. გვესმის, რამდენად არაკომფორტულია წყლის გარეშე დარჩენა, განსაკუთრებით, ასეთ ცხელ ამინდში და მადლობას ვუხდით მოსახლეობას მოთმინებისთვის.
გაზიარება:
იმედი
წყარო: imedinews.ge