სომხეთის პრეზიდენტმა ფაშინიანი პრემიერ-მინისტრად ხელახლა დანიშნა
სომხეთის პრეზიდენტმა ვაჰაგნ ხაჩატურიანმა კვირას ხელი მოაწერა ბრძანებულებას ნიკოლ ფაშინიანის პრემიერ-მინისტრად დანიშვნის შესახებ.
პრეზიდენტის ვებგვერდზე გამოქვეყნებულ ბრძანებულებაში აღნიშნულია: „კონსტიტუციის 149-ე მუხლის პირველი ნაწილის შესაბამისად: დაინიშნოს ნიკოლ ფაშინიანი პრემიერ-მინისტრის თანამდებობაზე“.
მანამდე, პრეზიდენტმა ხელი მოაწერა ფაშინიანის განცხადებას მისი მთავრობის გადადგომის შესახებ. ეს ნაბიჯი იყო პროცედურის ნაწილი, რომლის თანახმადაც, ახლად არჩეული პარლამენტის მუშაობის დაწყების დღეს, მინისტრთა კაბინეტი პრემიერ-მინისტრის ხელმძღვანელობით უნდა გადადგეს.
ამის შემდეგ პარტია „სამოქალაქო შეთანხმებამ“, რომელმაც 7 ივნისის საპარლამენტო არჩევნებში გაიმარჯვა, პრემიერ-მინისტრის კანდიდატად ფაშინიანი წარადგინა, პრეზიდენტმა კი მისი დანიშვნის შესახებ შესაბამის ბრძანებულებას ხელი მოაწერა.
იმედი
წყარო: imedinews.ge