სოფელ ქვენატკოცასა და სოფელ აბანოში საბავშვო ბაღების მშენებლობა მიმდინარეობს
იმედი|imedinews.ge
ქარელის მუნიციპალიტეტში, სოფელ ქვენატკოცასა და სოფელ აბანოში, ახალი საბავშვო ბაღების მშენებლობა მიმდინარეობს.
მუნიციპალური განვითარების ფონდის აღმასრულებელი დირექტორის მოადგილე ქვარა ჩართოლანი ორივე სოფელში მიმდინარე სამშენებლო სამუშაოებს გაეცნო.
ქვენატკოცასა და აბანოში ახალი საბავშვო ბაღები თანამედროვე სტანდარტების შესაბამისად შენდება. ინფრასტრუქტურა სრულად იქნება მორგებული სკოლამდელი ასაკის აღსაზრდელების საჭიროებებზე.
პროექტების ფარგლებში მოეწყობა სასწავლო, საძინებელი და სამზარეულო ოთახები, კეთილმოეწყობა შიდა და გარე სივრცეები, მათ შორის, ბაღების ეზოებში ბავშვებისთვის მრავალფეროვანი სათამაშო მოედნები.
ახალი საბავშვო ბაღები, ორივე სოფელში, ჯამში 150 აღსაზრდელს მოემსახურება.
გაზიარება:
იმედი
წყარო: imedinews.ge