სტარმერმა, ზელენსკიმ, მაკრონმა და მერცმა უკრაინასა და რუსეთს შორის სამართლიანი და გრძელვადიანი შეთანხმების მისაღწევად 5 პირობა ჩამოაყალიბეს

ლონდონში, დაუნინგ სტრიტის 10-ში კირ სტარმერმა უკრაინის პრეზიდენტ ვოლოდიმირ ზელენსკის, საფრანგეთის პრეზიდენტ ემანუელ მაკრონსა და გერმანიის კანცლერ ფრიდრიხ მერცს უმასპინძლა. მოლაპარაკებების შემდეგ გავრცელებულ ერთობლივ განცხადებაში, ზელენსკიმ, სტარმერმა, მაკრონმა და მერცმა განაცხადეს, რომ ისინი „მტკიცედ დაუდგებიან გვერდით უკრაინას“.

მხარეებმა რუსეთთან ომის დასასრულებლად „სამართლიანი და გრძელვადიანი“ შეთანხმების მისაღწევად 5 პირობა ჩამოაყალიბეს.

პირობები მოიცავს საბრძოლო მოქმედებების შეწყვეტას, მოლაპარაკებების დაწყებას ფრონტზე არსებული მიმდინარე პოზიციებიდან, ასევე უკრაინისთვის უსაფრთხოების „მყარი“ გარანტიების შექმნას.

შეხვედრაზე მსჯელობა ასევე შეეხო თავდაცვის სფეროში ევროპული უსაფრთხოების, თანამშრომლობისა და დიპლომატიურ პერსპექტივებზე საერთო ხედვის საკითხებს.