სტეფანჩუკი: სერბები არ არიან „პატარა რუსები“, უკრაინელები არ არიან „მალოროსები“, მოლდოველები და ქართველები არასოდეს ყოფილან და არც არასოდეს იქნებიან რუსების „უმცროსი ძმები“. კმარა დამცირება

სერბები არ არიან „პატარა რუსები“, უკრაინელები არ არიან „მალოროსები“, მოლდოველები და ქართველები არასოდეს ყოფილან და არც არასოდეს იქნებიან რუსების „უმცროსი ძმები“. კმარა დამცირება, - განაცხადა უკრაინის პარლამენტის სპიკერმა, რუსლან სტეფანჩუკმა.

„თითოეულმა თქვენგანმა, ძვირფასო მეგობრებო, კარგად იცის დიქტატორული რუსეთისა და მისი სისხლიანი წინამორბედის - საბჭოთა კავშირის, რომელსაც კომუნისტური კგბ-ს სისტემა მართავდა - ფასი. ეს კარგად იცის მოლდოვამ, კარგად იცის საქართველომ, კარგად იცის მთელმა ბალკანეთმა, სადაც საბჭოთა კავშირი და რუსეთი ყოველთვის იყენებდნენ პრინციპს — „დაყავი და იბატონე“. ისინი ავრცელებდნენ და კვლავაც ავრცელებენ პოლიტიკურ ტერორსა და ეკონომიკურ შანტაჟს, თესავდნენ და დღესაც თესავენ მტრობას ქვეყნებსა და ხალხებს შორის. ამ ყველაფრის ფასი კი ადამიანთა განუზომელი ტკივილია.

ამიტომ დღეს, აქ, ბელგრადში, მინდა მკაფიოდ ვთქვა: სერბები არ არიან „პატარა რუსები“, უკრაინელები არ არიან „მალოროსები“, მოლდოველები და ქართველები არასოდეს ყოფილან და არც არასოდეს იქნებიან რუსების „უმცროსი ძმები“. კმარა დამცირება. ჩვენ დამოუკიდებელი სახელმწიფოები ვართ, სადაც ევროპული ერები ცხოვრობენ და ერთ დღეს აუცილებლად ყველანი შევხვდებით ევროკავშირში“, - განაცხადა სტეფანჩუკმა.