სტივენ ჯერმი: ევროპული ეკონომიკური კრიზისი შეიძლება, აღმოჩნდეს უკრაინაში ომის დასასრული. ამის ნიშნები უკვე არსებობს მას შემდეგ, რაც ევროპამ რუსული ენერგო რესურსებზე წვდომა მოიკვეთა

უკრაინაში მიმდინარე ომში ამერიკული ინტერესის კლების ფონზე, კიდევ უფრო მეტად სავარაუდოა, ევროპელთა შეთანხმება რუსულ მხარესთან სწორედ რუსული პირობებით, - განაცხადა გადაცემაში „თბილისის დროით“ დიდი ბრიტანეთის სამეფო სამხედრო-საზღვაო ძალების ექს-კომოდორმა, სტივენ ჯერმიმ.

გადაცემის წამყვანის, დიპლომატის, გლობალური კრიზისების მართვის ექსპერტის, იან პრაუდის კითხვაზე, რა არის საჭირო უკრაინაში ომის დასასრულებლად, სტივენ ჯერმიმ აღნიშნა, რომ ყველაზე სავარაუდო მიზეზი ამისთვის შესაძლოა, ევროპული ეკონომიკური კრიზისი გახდეს.

„მიმაჩნია, რომ ევროპული ეკონომიკური კრიზისი შეიძლება, აღმოჩნდეს ამ ომის დასასრული. ამის ნიშნები უკვე არსებობს მას შემდეგ, რაც ევროპამ მოიკვეთა რუსული ენერგო რესურსებზე წვდომა. ეს არ არის მხოლოდ ბუნებრივი აირი და ნავთობი, არამედ დიზელიც, რომელიც ევროპისთვის კრიტიკული მნიშვნელობის მატარებელია.

ჩვენი, ევროპის მთლიანი მოხმარება, დღეში 12,5 მილიონი ბარელი, დაახლოებით იმავე მოცულობისაა, რომელსაც ჩინეთი იყენებს, მაგრამ ჩინეთის დიზელის წყაროები მრავალფეროვანია. ჩვენ კი ამ თვალსაზრისით ძალიან მოწყვლადი ვართ. ერთადერთი ევროპული სახელმწიფო, რომელიც ამ თვალსაზრისით დამოუკიდებელია, არის ნორვეგია. ბრიტანეთსაც აქვს ასე თუ ისე დიზელის რესურსები, რომელიც საჭიროების, დაახლოებით 45%-ს ფარავს, მაგრამ ეს მყიფე მოცემულობაა ამავე დროს.

გამომდინარე აქედან, მიმაჩნია, რომ სწორედ ევროპული ეკონომიკური კრიზისია ყველაზე სავარაუდო მიზეზი, რომელიც უკრაინაში ომის დასრულებას მოასწავებდა. უკრაინაში მიმდინარე ომში ამერიკული ინტერესის კლების ფონზე, კიდევ უფრო მეტად სავარაუდოა, ევროპელთა შეთანხმება რუსულ მხარესთან სწორედ რუსული პირობებით“, - განაცხადა სტივენ ჯერმიმ.