თბილისის ბაგა-ბაღების მართვის სააგენტოს დირექტორი: განსაკუთრებით გაძლიერებულია დეზინფექციის საკითხი, მუდმივად იწმინდება ზედაპირები. შესაბამისი სამსახურების ყველა რეკომენდაციას მივყვებით
ვმოქმედებთ შესაბამისი სამსახურების პროტოკოლით, რაც ითვალისწინებს ყველგან საგანგებო რეჟიმით მუშაობას, - განაცხადა თბილისის ბაგა-ბაღების მართვის სააგენტოს დირექტორმა გურამ ოქროპირიძემ.
მისივე თქმით, ვირუსის გავრცელების თავიდან არიდების მიზნით, გაძლიერებული რეჟიმით ტარდება სადეზინფექციო სამუშაოები.
„განსაკუთრებით გაძლიერებულია დეზინფექციის საკითხი. ასევე მუდმივად იწმინდება ზედაპირები იმისათვის, რათა თავიდან არიდებული იყოს ვირუსის გავრცელება. შესაბამისი სამსახურების აბსოლუტურად ყველა რეკომენდაციას მივყვებით და ყველა ბაღი ფუნქციონირებას გააგრძელებს“, - განაცხადა გურამ ოქროპირიძემ.
სურსათის ეროვნულმა სააგენტომ თბილისის ბაგა-ბაღებში გამოვლენილი შემთხვევების მოკვლევის შესახებ ახალი მონაცემები გამოაქვეყნა. სურსათის უვნებლობის მაჩვენებლებზე ჩატარებული ლაბორატორიული კვლევების შედეგად, 81 ნიმუშში დარღვევა არ დადასტურდა.
იმედი
წყარო: imedinews.ge