თბილისის საქალაქო სასამართლომ გიორგი კვარაცხელიას მკვლელობაში ბრალდებულებს - დავით დეკანოსიძეს და თორნიკე კაჭარავას აღკვეთის ღონისძიების სახით პატიმრობა შეუფარდა
თბილისის საქალაქო სასამართლომ, გიორგი კვარაცხელიას ჯგუფურად, განზრახ მკვლელობაში ბრალდებულებს, დავით დეკანოსიძეს და თორნიკე კაჭარავას აღკვეთის ღონისძიების სახით პატიმრობა შეუფარდა.
პროცესს არ ესწრებოდა ბრალდებული თორნიკე კაჭარავა, რომელიც სხვა საქმეზე იხდის მსჯავს, დავით დეკანოსიძე კი მიმალვაშია.
მოსამართლე ეკა ბარბაქაძემ ბრალდების მხარის შუამდგომლობა დააკმაყოფილა.
პროკურორი მედეა ცირამუა აღკვეთის ღონისძიებად პატიმრობის გამოყენებას ითხოვდა. ამის მოტივად კი ბარლდების მხარემ ბრალდებულთა მიმალვის, მტკიცებულებათა განადგურებისა და მათი მხრიდან დანაშაულებრივი ხასიათის საქმიანობის გაგრძელების საფრთხეები დაასახელა.
„ის თავს არიდებს საგამოძიებო ორგანოში გამოცხადებას და შესაბამისად, დღეის მდგომარეობით, ის არის მიმალვაში. ნასამართლევია დავით კაჭარავაც, ნარკოდანაშაულზე“, - აღნიშნა პროკურორმა სასამართლო პროცესზე.
დავით დეკანოსიძის ადვოკატმა კი სასამართლოს უფრო ნაკლებად მკაცრი აღკვეთის ღონისძიების, გირაოს გამოყენების შუამდგომლობით მიმართა.
როგორც ცნობილია, პროკურატურამ 2015 წელს მომხდარი, გიორგი კვარაცხელიას ჯგუფურად, განზრახ მკვლელობის სისხლის სამართლის საქმე გახსნა.
