თელავში, კავკასიონის ქუჩიდან ქვა-ღორღისა და დაზიანებული ინფრასტრუქტურის ნარჩენების დიდი ნაწილი უკვე გატანილია

თელავში, კავკასიონის ქუჩიდან ქვა-ღორღისა და დაზიანებული ინფრასტრუქტურის ნარჩენების დიდი ნაწილი უკვე გატანილია. მძიმე ტექნიკა ამ ეტაპზე ძირითადად სეხნიაშვილის ქუჩაზე მუშაობს, სადაც გაწმენდითი სამუშაო გრძელდება.

პარალელურად, თელავის ხევზე ნაპირსამაგრი სამუშაოებიც მიმდინარეობს. ქალაქში სრულად აღდგენილია ბუნებრივი აირისა და სასმელი წყლის მიწოდება. რაც შეეხება ელექტროენერგიას, როგორც განიმარტა, უსაფრთხოების ნორმების გათვალისწინებით, კავკასიონის ქუჩის მოსახლეობას დენი ისევ შეფერხებით მიეწოდება.

სტიქიის სალიკვიდაციო სამუშაოები ინტენსიურად მიმდინარეობს დაზარალებულ სოფლებშიც.