თენგიზ შარმანაშვილი ევროპარლამენტის რეზოლუციაზე: როგორც აქამდე ყველა რეზოლუცია და როგორც აქამდე ყველა გადაწყვეტილება ევრობიუროკრატიისა, ემსახურება მხოლოდ ერთ მიზანს, რომ გამოიწვიონ მღელვარება საქართველოში, შექმნან რევოლუციური სიტუაცია

როგორც აქამდე ყველა რეზოლუცია და როგორც აქამდე ყველა გადაწყვეტილება ევრობიუროკრატიისა, ემსახურება მხოლოდ ერთ მიზანს, რომ გამოიწვიონ მღელვარება საქართველოში, შექმნან რევოლუციური სიტუაცია, - ასე შეაფასა „ქრონიკასთან“ საუბრისას თავდაცვისა და უშიშროების საპარლამენტო კომიტეტის თავმჯდომარის პირველმა მოადგილემ, თენგიზ შარმანაშვილმა ევროპარლამენტის რეზოლუცია.

შარმანაშვილის თქმით, მათი მიზანია საქართველოში შექმნან ისეთი პროცესები, რომლებიც გამოიწვევს ხელისუფლების ძალადობრივ ცვლას.

„როგორც აქამდე ყველა რეზოლუცია და როგორც აქამდე ყველა გადაწყვეტილება ევრობიუროკრატიისა, ემსახურება მხოლოდ ერთ მიზანს, რომ გამოიწვიონ მღელვარება საქართველოში და შექმნან რევოლუციური სიტუაცია. ისეთი პროცესები, რომლებიც გამოიწვევს ხელისუფლების ძალადობრივ ცვლას. მინდა დავარწმუნო ისინი, რომ ქართველი ხალხი ამას არ გააკეთებს მიუხედავად მათი მცდელობებისა. მათ იციან სასწორის მეორე პინაზე რა დევს. სასწორის მეორე პინაზე დევს დესტაბილიზაცია და საომარი მოქმედებების გაჩაღება საქართველოში.

ახლა ვარ პოლიტიკური პარტიის წევრი. არანაირად არ მეკრძალება ვიყო არასამთავრობო ორგანიზაციის რიგებშიც. ახლა იქ რომ გადავიდე, გავრცელდება? სულელური, ყოვლად წარმოუდგენელი სეგრეგაციის ფორმაა როგორც პოლიტიკურად, ასევე იურიდიულად“, - აღნიშნა თენგიზ შარმანაშვილმა.

ევროპარლამენტმა საქართველოს შესახებ რასა იუკნევიჩიენეს მიერ მომზადებული რეზოლუციის პროექტი მიიღო. რეზოლუციის მიხედვით, ევროპარლამენტი მოუწოდებს კომისიას შექმნას მექანიზმი, რომლის საშუალებითაც სამოქალაქო საზოგადოების აქტივისტებს, ჟურნალისტებსა და სტუდენტებს შეუნარჩუნდებათ უვიზო წვდომა ევროკავშირში.