თენგიზ შარმანაშვილი მარტა კოსის განცხადებაზე: ევრობიუროკრატია უკვე ვეღარ ზომავს იმდენად უნდა ხელში მოქცევა მთელი ძალაუფლების. აქამდე იმიტომ მივიდნენ, რომ ევრობიუროკრატია არის მოუქნელი, არავისგან არჩეული ყოვლად წარმოუდგენელი წარმონაქმნი, რომლებიც იღებენ რაღაც რეზოლუციებს და სუვერენულ უფლებებს უზღუდავენ ცალეულ ქვეყნებს

ევრობიუროკრატია უკვე ვეღარ ზომავს იმდენად უნდა ცენტრალიზაცია, იმდენად უნდა თავის ხელში მოქცევა მთელი ძალაუფლების, - აღნიშნა გადაცემაში „იმედი LIVE“ თავდაცვისა და უშიშროების საპარლამენტო კომიტეტის თავმჯდომარის პირველმა მოადგილემ, თენგიზ შარმანაშვილმა მარტა კოსის განცხადებასთან დაკავშირებით.

მისი თქმით, ევროკავშირის ასეთ დეგრადაციას, რამდენიმე წლის წინ თავად ვერ დაიჯერებდა.

„10 წლის წინ ვინმეს რომ ეთქვა არ დავიჯერებდი, რომ ევროკავშირში შეიქმნებოდა კონცეფცია, სადაც იტყოდნენ, რომ დავახარისხოთ ქვეყნები, რაღაც ნაწილს ქვეყნებისა ერთი უფლებები ექნება, მეორე ნაწილს - სხვა უფლებები. მაგრამ მივიდნენ აქამდე იმიტომ, რომ აქამდე მიდიოდნენ. შეუძლებელია აქამდე არ მისულიყვნენ, რადგან ევრობიუროკრატია არის მოუქნელი, არავისგან არჩეული ყოვლად წარმოუდგენელი წარმონაქმნი, რომლებიც იღებენ რაღაც რეზოლუციებს და სუვერენულ უფლებებს უზღუდავენ ცალეულ ქვეყნებს“, - განაცხადა თენგიზ შარმანაშვილმა.

მისი თქმით, სავარაუდოა, რომ ქვეყნების პირველ და მეორე ხარისხოვნად დაყოფის სქემა ვერ იქნება მიღებული, რადგან ამას თავად ევროკავშირის წვერი ქვეყნების დიდი ნაწილი არ დაუშვებს.

მარტა კოსმა დაადასტურა, რომ ევროკავშირის ახალ წევრებს ვეტოს უფლება შეეზღუდებათ.

მარტა კოსის თქმით, აუცილებელია იმ ვითარებამდე მისვლა, როდესაც მოხდება უკრაინასთან გაწევრიანების შესახებ შეთანხმების გაფორმება. როგორც მან აღნიშნა, აუცილებელია იმაში დარწმუნება, რომ ახალი წევრი სახელმწიფოები ევროპულ წესებს დაიცავენ გაწევრიანებიდან 5-10 ან 15 წლის შემდეგაც.