The Guardian: ბრიტანეთის პოლიცია ნაიჯელ ფარაჯის პარტიისთვის 500 ათასი გირვანქა სტერლინგის შემოწირულების საქმეს იძიებს

ბრიტანეთის პოლიცია იძიებს გაერთიანებული სამეფოს პარტიისთვის „რეფორმა“ გადარიცხულ 500 ათასი გირვანქა სტერლინგის ოდენობის შემოწირულებებს, რომლებიც მსჯავრდებული თაღლითის დედამ განახორციელა. ინფორმაციას The Guardian-ი ავრცელებს.

როგორც გამოცემა იუწყება, გამოძიება ეხება ორ, 250-250 ათასი გირვანქა სტერლინგის ოდენობის შემოწირულებას, რომელიც ფიონა კოტრელმა განახორციელა. მისი ვაჟი ჯორჯი ხშირად ახლდა „რეფორმის“ ლიდერს ნაიჯელ ფარაჯს პარტიულ ღონისძიებებსა და მედიასთან შეხვედრებზე.

პოლიციის ინფორმაციით, 2024 წლის მაისში განხორციელებული გადარიცხვები მოწმდება იმის დასადგენად, ხომ არ იყო ისინი გამოყენებული ისეთი დონორის ვინაობის დასამალად, რომელსაც პოლიტიკური შემოწირულების გაკეთების უფლება არ ჰქონდა.

ლონდონის პოლიციამ ხუთშაბათს განაცხადა, რომ აღნიშნულ საქმეზე სიფრთხილის რეჟიმში ორი პირი გამოიკითხა. გამოძიება 2025 წლის თებერვალში დაიწყო საარჩევნო კომისიის მიმართვის საფუძველზე. საქმეზე ამ ეტაპზე არავინ დაუკავებიათ.