The Guardian: დიდი ბრიტანეთი სასურსათო კრიზისისკენ მიექანება

დიდი ბრიტანეთი სასურსათო კრიზისისკენ მიექანება. სტატიას ამ სათაურით The Guardian-ი ექსპერტებზე დაყრდნობით აქვეყნებს.

როგორც ექსპერტები ამბობენ, კრიზისს რამდენიმე ფაქტორი განაპირობებს: ექსტრემალური მეტეოროლოგიური პირობები, ინფლაცია და ირანთან ომის შედეგები. ხოლო ბრიტანეთის მთავრობა ამ ყველაფერს სერიოზულად არ აღიქვამს.

გამოცემის ცნობით, ბრიტანელი ფერმერები სიცხეების გამო სერიოზულ სირთულეებს აწყდებიან. გაზაფხულზე დაფიქსირებული მშრალი ამინდების გამო მოსავალი უხვი აღარ იქნება. ჰაერის მაღალი ტემპერატურა პირუტყვსაც უქმნის საფრთხეს. გარდა ამისა, გაზრდილია ტყის ხანძრების რისკი.

The Guardian-ის ცნობით, სოფლის მეურნეობის სფეროში დანაკარგი ასეულობით მილიონ გირვანქა სტერლინგს შეადგენს.

მოსალოდნელია, რომ ნოემბერში სურსათზე ფასები ხუთი წლის წინანდელ მონაცემებთან შედარებით 50%-ით მოიმატებს, ხოლო ზაფხულში ჰაერის ტემპერატურა 40 გრადუსს გადააჭარბებს, რაც ინფლაციურ წნეხს გააძლიერებს.

ირანში ომი სწრაფად რომც დასრულდეს, საწვავსა და სასუქზე ფასები მაღალი დარჩება მანამ, სანამ მიწოდების დეფიციტი ჰორმუზის სრუტის მეშვეობით არ შემცირდება, წერს გამოცემა.