The News York Times-მა წლის საუკეთესო სერიალები დაასახელა

გაზეთმა The New York Times 2026 წლის 10 საუკეთესო სერიალის სია შეადგინა.

მასში შევიდა ლიზა კუდროუს მონაწილეობით გადაღებული მეტაკომედიის, „დაბრუნების“ მესამე და ფინალური სეზონი. სერიალი მოგვითხრობს 1980-იანი წლების სიტკომების მსახიობზე, რომელიც შოუბიზნესში დაბრუნებას თავგანწირვით ცდილობს. სერიალის სეზონები დიდი ინტერვალებით გამოდიოდა: პირველი 2005, მეორე კი 2014 წელს, თუმცა, ამის მიუხედავად, ფინალმა კრიტიკოსების დიდი მოწონება დაიმსახურა. Rotten Tomatoes-ზე „დაბრუნებას“ 97%-იანი რეიტინგი აქვს.

გამოცემამ წლის ერთ-ერთ საუკეთესო სერიალად ასევე დაასახელა გახმაურებული შოუ „მარგოს ფინანსური პრობლემები აქვს“ - მარტოხელა დედაზე, რომელიც ფულის გამოსამუშავებლად OnlyFans-ის მოდელობას გადაწყვეტს. მთავარი როლის შემსრულებელ ელ ფანინგთან ერთად, სერიალში ნიკოლ კიდმანიც თამაშობს.

საუკეთესო ათეულში ასევე შევიდა ლეგენდარული „მაპეტ-შოუს“ დაბრუნება Disney-ზე, „პიტის საავადმყოფოს“ ახალი სეზონი, რომელიც „ემი-2025“-ის ერთ-ერთი ტრიუმფატორი გახდა, და „ბუზთა ბატონი“ - უილიამ გოლდინგის ამავე სახელწოდების რომანის ეკრანიზაცია.

სრული სია ასე გამოიყურება:

„დაბრუნება“;

„მარგოს ფინანსური პრობლემები აქვს“;

„ბნელი ქარები“;

„სენტ-ლუისი“;

„მაპეტ-შოუ“;

„პიტის საავადმყოფო“;

„ბუზთა ბატონი“;

„პორტობელო“;

„ქვრივების უბე“;

„მეგობრები და მეზობლები“.