The Wall Street Journal: CIA-ს დირექტორი ჯონ რეტკლიფი მოსკოვში პირადად დონალდ ტრამპმა გააგზავნა
The Wall Street Journal-ს ანონიმურმა წყარომ განუცხადა, რომ ამერიკის ცენტრალური სადაზვერვო სააგენტოს (CIA) დირექტორი ჯონ რეტკლიფი მოსკოვში პირადად აშშ-ის პრეზიდენტმა დონალდ ტრამპმა გააგზავნა.
საიდუმლო ვიზიტის შესახებ კი ინფორმირებული არ იყვნენ თეთრი სახლისა და პენტაგონის წარმომადგენლები.
ცენტრალური სადაზვერვო სააგენტოს ხელმძღვანელის მოსკოვში ჩასვლის მიზნების შესახებ ამერიკულ მედიას სხვადასხვა ვერსია აქვს.
The New York Times-ი წერს, რომ რეტკლიფმა მოსკოვს უკრაინის ომთან დაკავშირებით ვაშინგტონის მკაცრი გზავნილი ჩაუტანა.
The Washington Post-ის ცნობით კი, საქმე კრემლის მცდარ მიდგომას ეხება. გამოცემის ინფორმაციით, მოსკოვი არასწორადაა ინფორმირებული, რომ ამერიკა ირანთან ომის გამო დასუსტებულია და ნატოში მოკავშირეების სათანადო დაცვას ვერ შეძლებს.
იმედი
წყარო: imedinews.ge