თინათინ რუხაძე: დღეს მართლა სიყვარულის დღეა და მინდა ყველას ვუსურვო მშვიდობიან, განვითარებულ, ეკონომიკურად მდგრად, სტაბილურ ქვეყანაში გვეცხოვროს და მთელი მსოფლიოსთვის ხმამაღლა გვეთქვას - ეს არის ჩვენი კულტურა, ეს არის ჩვენი ისტორია და ეს არის ჩვენი ტრადიციები, რაზეც გავიზარდეთ

კულტურის მინისტრმა, თინათინ რუხაძემ „იმედის“ ეთერიდან საზოგადოებას და სრულიად საქართველოს დამოუკიდებლობის დღეს ულოცავს.

მინისტრს მიაჩნია, რომ საამაყოა ის, რომ ერთიანობით შეძლეს ქართული საუკეთესო ტრადიციების წარმოჩენა და ისტორიისთვის ხაზის გასმა.

„მთელ საქართველოს ვულოცავ დღევანდელ დღეს. ვულოცავ ყველა ჩვენი ქვეყნის მოქალაქეს შინ თუ გარეთ. ძალიან ამაღელვებელი იყო ამ კოლაბორაციით ამ დღის აღნიშვნა. მადლობა მთელ შემოქმედებით ჯგუფს და რეჟისორს, ბასა ფოცხიშვილს, მადლობა თავდაცვის ძალებს.

ილია მეორის გარდაცვალებით, ახალი პატრიარქის არჩევით, განსაკუთრებით ამაღელვებელი მომენტები გვაქვს ამ თვეებში გავლილი და ვფიქრობ, ეს ყველაფერი კიდევ ერთხელ აღრმავებს ჩვენს გრძნობებსა და ემოციებს.

კულტურა ემოციების თემაა და დღეს მართლა სიყვარულის დღეა და მინდა ყველას ვუსურვო მშვიდობიან, განვითარებულ, ეკონომიკურად მდგრად, სტაბილურ ქვეყანაში გვეცხოვროს და მთელი მსოფლიოსთვის ხმამაღლა გვეთქვას, ეს არის ჩვენი კულტურა, ეს არის ჩვენი ისტორია, ეს არის ჩვენი ის, რა ტრადიციებზეც ჩვენ გავიზარდეთ. მიხარია, რომ 15 ქალაქში და ყველა მუნიციპალიტეტში აღინიშნება დღევანდელი დღე“, - აღნიშნა კულტურის მინისტრმა.