ტომ ჰოლანდმა ზენდაიასთან ქორწინება პირველად დაადასტურა

ბრიტანელმა მსახიობმა ტომ ჰოლანდმა პირველად გააკეთა საჯარო კომენტარი ზენდეიასთან ქორწინებაზე. ამ თემაზე ის ჟურნალ Esquire-თან ისაუბრა. მან გამოცემას ვრცელი ინტერვიუ მისცა და ახალი ნომრის გარეკანზეც გამოჩნდა. მსახიობმა აღნიშნა, რომ ზენდეიას ძველმა სტილისტმა და მეგობარმა ჯერ კიდევ მარტში განაცხადა, რომ ქორწილი უკვე შედგა.

საზეიმო ცერემონიიდან ფოტოების არარსებობის გამო, სოციალური ქსელის მომხმარებლებმა ხელოვნური ინტელექტის საშუალებით თავად დაიწყეს კადრების გენერირება. მსახიობს არ გაუმჟღავნებია დეტალები იმის შესახებ, თუ როგორ ჩაიარა ქორწილმა, მხოლოდ ის დააზუსტა, რომ მას ოჯახის ყველა წევრი ესწრებოდა.

მან ასევე აღნიშნა, რომ ზენდეიასთან ურთიერთობას მის ცხოვრებაში უმნიშვნელოვანესი ადგილი უკავია.

„ჩვენს ბიზნესში შეიძლება ძალიან სტრესული სიტუაციები შეიქმნას და ნამდვილად სასიამოვნოა გქონდეს ურთიერთობის ისეთი საძირკველი, რომელიც დროს გაუძლებს. მე ვიპოვე ჩემი ადამიანი. ის ჩემი საუკეთესო მეგობარია და მასთან ერთად იმაზე ბედნიერი ვარ, ვიდრე ოდესმე ვყოფილვარ. ამავდროულად, არასდროს მიგრძნია თავი ასე მხარდაჭერილად და უსაფრთხოდ, როგორც ახლა“, - განაცხადა მსახიობმა.

წყვილმა ერთმანეთი 2016 წელს, ფილმის „ადამიანი-ობობა: შინ დაბრუნება“ გადასაღებ მოედანზე გაიცნო.