თორნიკე ჭეიშვილი: ევრობიუროკრატია, სამწუხაროდ, კვლავ აგრძელებს თავდასხმებს საქართველოს მიმართულებით. ისინი დღენიადაგ დაკავებული არიან, რომ საქართველოში როგორმე ცეცხლზე ნავთი დაასხან

შეერთებულ შტატებში მიმდინარეობს გარკვეული შიდა პაექრობა, პრეზიდენტი ტრამპი და მისი ადმინისტრაცია არც მალავდა ხელისუფლებაში მოსვლის დღიდან იმას, რომ ერთ-ერთი სერიოზული გამოწვევა მათთვის იყო ამ ჩრდილოვან ძალებთან გამკლავება და ვხედავთ, რომ ამ თვალსაზრისით პოზიციებს არ თმობენ არც ევრო სტრუქტურებში, - განაცხადა გადაცემა „დღის ქრონიკასთან“ პარლამენტის იურიდიულ საკითხთა კომიტეტის თავმჯდომარის პირველმა მოადგილემ თორნიკე ჭეიშვილმა საქართველოს მიმართ ევრობიუროკრატების დამოკიდებულების შესაძლო გამოსწორებაზე საუბრისას.

მისივე თქმით, ევრობიუროკრატია, სამწუხაროდ, კვლავ აგრძელებს თავდასხმებს საქართველოს მიმართულებით. ისინი დღენიადაგ დაკავებული არიან, რომ საქართველოში როგორმე ცეცხლზე ნავთი დაასხან, სხვადასხვა ექსტრემისტული დაჯგუფებები წაახალისონ და სიძულვილი მოახვიონ საზოგადოებას, რადგან უფრო გაუმარტივდეთ საკუთარი ანტიქართული და მტრული განზრახვების სისრულეში მოყვანა.

„ჩვენ მოვლენათა განვითარებას ვაკვირდებით სტრატეგიული მოთმინების რეჟიმში, რადგან ჩვენ ყოველთვის ამ მოვლენათა განვითარების ფონზე ვაფიქსირებთ მზაობას იმასთან მიმართებით, რომ ჩავერთოთ ნებისმიერ დისკუსიაში, რომელიც დაფუძნებული იქნება თანასწორუფლებიანობაზე და რომელიც არ იქნება აპრიორი იმგვარი კონტექსტის მატარებელი, რასაც ჰქვია მენტორული დამოკიდებულება საქართველოსთან და ქართველ ხალთან მიმართებით. წესით და რიგით ევრო ბიუროკრატებმაც უნდა წაიმეცადინონ გეოგრაფიაში“, - აღნიშნა თორნიკე ჭეიშვილმა.