თორნიკე ჭეიშვილი: რაც დრო გადის, მით უფრო რწმუნდება ჩვენი საზოგადოება, რომ სამწუხაროდ, ევრობიუროკრატიის მხრიდან არაერთხელ გავმხდარვართ უსამართლო მიდგომების ობიექტი

იურიდიულ საკითხთა კომიტეტის თავმჯდომარის პირველი მოადგილე თორნიკე ჭეიშვილი გამოეხმაურა პრემიერ - მინისტრ, ირაკლი კობახიძის მიერ ევროკავშირის ხელმძღვანელი პირებისთვის ღია წერილით მიმართვის ფაქტს.

მისი თქმით, ის ფაქტი, რომ წერილის პასუხად დუმილია, კიდევ ერთხელ ადასტურებს ორმაგ სტანდარტს საქართველოსთან მიმართებაში.

„თუნდაც დუმილი ამ შემთხვევაში იქნება გარკვეული პასუხი. დუმილი, ასეთის არსებობის შემთხვევაში შეიძლება კიდევ ერთხელ მივიჩნიოთ იმათ, რომ საქმე გვაქვს ორმაგ სტანდარტებთან საქართველოსთან მიმართებით. რაც დრო გადის, მით უფრო რწმუნდება ჩვენი საზოგადოება, რომ სამწუხაროდ, ევრობიუროკრატიის მხრიდან არაერთხელ გავმხდარვართ უსამართლო მიდგომების ობიექტი“, - აღნიშნა ჭეიშვილმა.

საქართველოს პრემიერ-მინისტრი ურსულა ფონ დერ ლაიენს, ანტონიო კოშტასა და რობერტა მეცოლას ღია წერილით მიმართავს.