თორნიკე ფაღავა: „ნაციონალური მოძრაობა“ გვპირდებოდა რევოლუციას ქუჩაში, მაგრამ, როგორც აღმოჩნდა, რევოლუცია და გადატრიალება საკუთარ პარტიაში მიიღეს

ევროპასთან ინტეგრაციის საპარლამენტო კომიტეტის თავმჯდომარის მოადგილე თორნიკე ფაღავა „ნაციონალური მოძრაობის“ თავმჯდომარეობის ახალი კანდიდატის შესახებ მიხეილ სააკაშვილის განცხადებას აფასებს. დეპუტატი აღნიშნავს, რომ დაპირებული რევოლუცია „ნაცმოძრაობამ“ საკუთარ რიგებში მიიღო.

„ნაციონალური მოძრაობის“ თავმჯდომარე ისე გადააყენეს თანამდებობიდან, თვითონაც არ იცოდა და საჯარო წერილით გაიგო, რომელიც ბელადმა ციხიდან გამოაქვეყნა. „ნაციონალური მოძრაობა“ გვპირდებოდა რევოლუციას ქუჩაში, მაგრამ, როგორც აღმოჩნდა, რევოლუცია და გადატრიალება საკუთარ პარტიაში მიიღეს“, - აცხადებს ფაღავა.

მიხეილ სააკაშვილი სოციალურ ქსელში კიდევ ერთ პოსტს აქვეყნებს და წერს, რომ მისი კანდიდატი „ნაციონალური მოძრაობის“ თავმჯდომარის თანამდებობაზე ნანუკა ჟორჟოლიანია. სააკაშვილის თქმით, პარტიაში ძირეული ცვლილებები იქნება.

რამდენიმე დღის წინ სააკაშვილმა სოციალურ ქსელში „რადიკალური ცვლილებები“ დააანონსა. როგორც სააკაშვილმა დაწერა, „ნაციონალურ მოძრაობას“ ნანუკა ჟორჟოლიანი უერთდება.

თინა ბოკუჩავა სააკაშვილის განცხადებაზე: მოულოდნელი იყო და მიმაჩნია, რომ სწორედ ამგვარმა იმპულსურმა და არათანმიმდევრულმა გადაწყვეტილებებმა მიგვიყვანა იქამდე, სადაც ვართ