თორნიკე ფაღავა: უკანასკნელი წლების განმავლობაში, საქართველოს სამართალდამცავ სისტემას ჰქონდა საკვანძო როლი საქართველოს სახელმწიფოებრიობის როლის გამტკიცებაში, რაც „დაუფასა“ რადიკალურმა ოპოზიციამ. სწორედ ამიტომ მიზანმიმართულად ებრძვიან საქართველოს სამართალდამცავ სისტემას

ქართული სამართალდამცავი სისტემა არის მოწოდების სიმაღლეზე, - ასე პასუხობს ევროპასთან ინტეგრაციის საპარლამენტო კომიტეტის თავმჯდომარის მოადგილე, თორნიკე ფაღავა ოპონენტევბის მხრიდან პოლიციელების მისამართით გამოთქმულ კრიტიკას.

მისი თქმით, რადიკალებსის ფაქტი არ მოსწონთ, რომ სამართალდამცავი სისტემა ჰქონდა და აქვს საკვანძო როლი საქართველოს სახელმწიფოებრიობის როლის გამტკიცებაში.

„უკანასკნელი წლების განმავლობაში, საქართველოს სამართალდამცავ სისტემას ჰქონდა საკვანძო როლი საქართველოს სახელმწიფოებრიობის როლის გამტკიცებაში, სუვერენიტეტის გამტკიცებაში და სახელმწიფოებრიობის დაცვის საქმეში, რაც „დაუფასა“ რადიკალურმა ოპოზიციამ. სწორედ ამიტომ მიზანმიმართულად ებრძვიან საქართველოს სამართალდამცავ სისტემას. ეს არის მხოლოდ და მხოლოდ ერთეული შემთხვევები, რაზეც სამართალდამცავ სისტემას აქვს ძალიან ადეკვატური, თანაზომიერი და მყისიერი პასუხი. ხაზგასმით შეგვიძლია ვთქვათ, რომ ამჯერადაც ქართული სამართალდამცავი სისტემა არის მოწოდების სიმაღლეზე“, - განაცხადა თორნიკე ფაღავამ.