თორნიკე შენგელიას „ბარსელონა“ ესპანეთის ჩემპიონატის ფინალში გავიდა🏀

საკალათბურთო კლუბი „ბარსელონა“ ესპანეთის ჩემპიონატის ფინალში გავიდა. თორნიკე შენგელიამ და მისმა თანაგუნდელებმა სტუმრად „ლაგუნა ტენერიფე“ 85:76 დაამარცხეს და სერიაში 3:0 გაიმარჯვეს.

საქართველოს ნაკრების კაპიტანმა 20 წუთში 11 ქულა და 4 მოხსნა დააგროვა. მან ათიდან ოთხი ორქულიანი და სამიდან სამი საჯარიმო ჩააგდო. გულთან დაკავშირებული პრობლემების გამო „ლაგუნა ტენერიფეს“ რიგებში გიორგი შერმადინს არ უთამაშია.

ფინალში „ბარსელონას“ მეტოქე „ხოვენტუტი“ - „ვალენსიას“ წყვილში გამარჯვებული იქნება.