ტრამპი: ჩვენი ქვეყანა განუზომლად დაზარალდა ღია საზღვრებით, მაღალი გადასახადებით, საყოველთაო „ტრანსგენდერიზმით“
აშშ-ის პრეზიდენტის, დონალდ ტრამპის განცხადებით, ღია საზღვრები, მაღალი გადასახადები, ლგბტ პოლიტიკა და მრავალფეროვნება სხვა პრობლემებთან ერთად ის მთავარი ფაქტორებია, რომლებიც შეერთებული შტატების დაღმავლობის მიზეზი გახდა და რომლის ავტორიც ქვეყნის წინა ადმინისტრაციაა.
თავის სოციალური ქსელში გავრცელებული პოსტით თეთრი სახლის მასპინძელი ჩინელი კოლეგის, სი ძინპინის განცხადებას გამოეხმაურა, რომელმაც შეერთებული შტატები დაღმავლობის გზაზე მდგომ ქვეყნად მოიხსენია.
„როდესაც პრეზიდენტმა სი ძინპინმა ძალიან ელეგანტურად მოიხსენია შეერთებული შტატები, როგორც დაქვეითების გზაზე მყოფი ქვეყანა, ის უზარმაზარ ზიანს გულისხმობდა, რომელიც „მძინარე“ ჯო ბაიდენის ოთხწლიანი მმართველობისა და ბაიდენის ადმინისტრაციის პერიოდში განვიცადეთ. ამ საკითხში ის 100%-ით მართალი იყო. ჩვენი ქვეყანა განუზომლად დაზარალდა ღია საზღვრებით, მაღალი გადასახადებით, საყოველთაო „ტრანსგენდერიზმით“, ქალთა სპორტში მამაკაცების მონაწილეობით, მრავალფეროვნება-თანასწორობა-ინკლუზია პოლიტიკით, საშინელი სავაჭრო გარიგებებით, აღვირახსნილი კრიმინალით და მრავალი სხვა რამით!“, - დაწერა ტრამპმა.
იმედი
წყარო: imedinews.ge