ტრამპი: დღეს მოხარული ვარ გამოვაცხადო, რომ უკანასკნელი ამერიკული ძალები ტოვებენ ერაყს

აშშ-ის პრეზიდენტმა, დონალდ ტრამპმა ოფიციალურად გამოაცხადა, რომ ერაყში მყოფი უკანასკნელი ამერიკული სამხედრო კონტინგენტი ქვეყანას ტოვებს.

თავის განცხადებაში აშშ-ის პრეზიდენტმა ერაყში შეიარაღებული ძალების შეყვანას წარსულში მიღებული „ძალიან ცუდი გადაწყვეტილებების“ შედეგი უწოდა.

„დღეს მოხარული ვარ გამოვაცხადო, რომ უკანასკნელი ამერიკული ძალები ტოვებენ ერაყს! დიდი დრო გავიდა მას შემდეგ, რაც არასწორმა გადაწყვეტილებებმა ამ ჭაობში ჩაგვითრია, მაგრამ მალე ეს ყველაფერი ისტორიის ნაწილი გახდება. ეს დიდი დღეა ამერიკისთვის“, - აღნიშნა ტრამპმა.

მან ასევე ხაზი გაუსვა ერაყის პოლიტიკურ ცვლილებებს და მხარდაჭერა გამოუცხადა ქვეყნის ახალ პრემიერ-მინისტრს, ალი ალ-ზაიდის, რომელმაც არჩევნებში დამაჯერებელი გამარჯვება მოიპოვა.

„რაც მთავარია, ჩვენ ვტოვებთ ერაყს, სადაც ახალი შესანიშნავი პრემიერ-მინისტრი, ალი ალ-ზაიდია - ადამიანი, რომელსაც თავიდანვე ვუჭერდი მხარს. მან გაიმარჯვა არჩევნებში, სადაც მის წარმატებას არ ელოდნენ, თანაც დამაჯერებელი უპირატესობით!“ - დასძინა მან.